|
 |
 |
|
|
||||||||
 |
|
|
LinkBack | أدوات الموضوع | طرق مشاهدة الموضوع |
07-02-2008, 06:47 AM
|
رقم المشاركة : 1 | |
|
|
والله ما اسـامحه <جليل الحيا< تفضلوا نتناقش**
 اليوم حبيت اطرح عليكم موضوع يتردد دايم بس هالمره بكتبه بيدي ماراح انقله ... وانا تردد وايد قبل لا اكتبه بس مدري شنو جبرني اليوم وقررت اكتبه وان شاء الله ما راح اندم وانا حبيت اكتبه بالعاميه لان لغتي العربيه يبيلها صيانه...  بدخل في الموضوع من بدون مقبلات < < < < < < < <  المعــــــــــــــــــــــــــــــــــــــــاكس ات...بصراحه هالموضوع حسيت فيه لما جربته بقولكم السالفه وعطوني رايكم يوم من الايام رحنا السوق انا واهلي اخوي تركنا بالسوق وراح للقهوه على ما نخلص لاننا ما تكفينا ساعه ساعتين حالنا حال الحريم واحنا نتمشى بالسوق وطبعا كان الممر زحمه شوي نمشي نمشي وما دريت الا وواحد مافيه من الرجوله شي حط ايده على كتفي  انا ما انتبهت لهالشي لاني مو متوقعه ممكن احد يتجرأ ويلمسني لما اسوعبت الصدمه طالعه وراي وفتحت عيني على الاخر من هول الصدمه والله ما ادري شنو اسمسه لان رجال ما يستاهلها خلوني اقول شخص وطبعا انا من الارتباك والصدمه ما صرت اشوف كأن عيوني فيها ضباااب يا ساتر طبعا ما قدرت اسوي شي لاني بديت ارجف واحد يبي يغمى عليه وطبعا اهلى مشوا وخلوني مسافه قصيره شوي لان مو متوقعين اكون انا بهالموقف على بالهم انا معاهم فجأه قمت امشي بس شبه اركض  كانت حالتي مأساويه ولما وصلت اهلي شافتني اختي مرعوبه جان تقولي شفييييييك قلتها جذي وجذي طبعا احنا حريم وما قدرنا نسوي شي وما نبي ننفضح قدام خلق الله ... وعلى فكره انا لبسي محتشم وعباتي عبايه راس وماهي ملفته للنظر والحمدلله ووالله العظيم ماني من البنات اللى يتلفتون يمين شمال ما ادري بس شنو استفاد من حركته ؟؟؟ غير الفشيله مع اني اشك ان هالاشكال تحس .. السؤال الحين للبنــــــــــــــــــــــات _شنو موقفج لو كنتي مكاني؟؟؟ وشنو ممكن تسوين؟؟؟ _هل تقبلين الزواج بمغــــــــــــــــــــــازلجي وراعي سوابق؟؟؟ السؤال للشبــــــــــــــــــاب اللى هو اهم سؤال _ شنو هي نظرتكم للبت المحتشمه المحجبه ( صاحبه عبايه الراس)؟؟ وهل ممكن تأ ذونها بالمعاكســــات _شنو رايكم بالمغازلجـــــــــــــــــي بكل امانه .؟؟؟ واعذروني يا جماااعه طولتها عليكم ... واتمنى تفاعلكم بالموضوع لان آرائكم تهمني لانكم مثل اخواني وودي اسمع وجهات نظركم وترى ما يردكم الا كيبوردكم..... تحيتي |
|
    
|
|
07-02-2008, 07:53 AM
|
رقم المشاركة : 2 | |
|
|
_شنو موقفج لو كنتي مكاني؟؟؟ وشنو ممكن تسوين؟؟؟
الله لايكتبها لي يارب .. لاني اكيد اكيد بصيح .. وبتهور بالسب والشتم .. سبحان الله احيانا الوحده تنقهر موووت لاشافت واحد طول بعرض يتصرف هالتصرفات الغبيه .. زمان كنت انا وبنات اخوي نروح السوق لوحدنا .. بس احمد الله ماقد مريت بهالحاله لكن لاتخلو من المعاكسات الكلاميه ومن بعيد .. رمي كلام يعني .. لكن حاليا .. السوق ما ادخله الا وزوجي معاي .. غيرته مو طبيعيه .. وهالشي يعجبني .. ووالله العظيم .. الرجل لمن يروح مع اهله السوق .. بيحميها من كل شاب غافل .. وبجد فخر للبنت ان يمشي معاها رجلها او اخوها او حتى ابوها .... لان الجبناااااء لاشافوا البنت مع رجل يحميها مايفكرون يوطوطون عندها ...... لكن لاشاف مجموعة حريم انبسط وغنى ابليس باذنه .. وهاتك ياكلام .. واحيانااا يمد يده مثل ماتفضلتي جهراويه ... افتكر مره .. كنا خارجين من الكليه فترة اختبارات .. عاد هالوقت الشباب خارجين من امتحاناتهم ومايتركون الفرفره قدام كليات ومدارس البنات ولولا تدخل الهيئه الظاهر مانخلص من هالظاهره .. المهم كنا واقفين بعيد عن الكليه ننتظر سياراتنا .. وحده من البنات الله يهديها حاطه مبينه عيونها مادرينا الا سياره جت وقفت بشكل همجي ونزل منها واحد تقل بريعصي جااا بسررعه وحاول يمسك يد البنت بكل وقاحه عشان يحط الرقم البنت تصارخ من الصدمه مو مستوعبه وخلق الله منفجعين وبسرعه ركب السياره وراح لكن الهيئه انتبهت له وامسكته وجابته بالمكان اللي عاكس فيه وجلد بالخيزرانه خخخخخخخ << اول مره تشوف جلد شكله كان يفشششششششل .. وياليته استحى على دمه من ثاني اسبوع رجع يلفلف قدام الكليه ... بعض الشباب .. ماعنده اخلاق .. الله يهديهم بسسسسس ............... _هل تقبلين الزواج بمغــــــــــــــــــــــازلجي وراعي سوابق؟؟؟ كيف اعرف انه مغازلجي اصلااا ؟؟ لانه صعب جدا تعرفين الا بعد الزواج .. جهراويه يعطيك العافيه |
|
|
|
|
07-02-2008, 09:13 AM
|
رقم المشاركة : 3 | |
|
|
ــــــــــــــــــــــــــــــــــــــــــــــــــ ـــــــــــــــــــــــــــــــــ السؤال للشبــــــــــــــــــاب اللى هو اهم سؤال _ شنو هي نظرتكم للبت المحتشمه المحجبه ( صاحبه عبايه الراس)؟؟ وهل ممكن تأ ذونها بالمعاكســــات البنت المحجبة روحاً ومادةً ، بأحجبة الحشمة النفسيه والجسدية عند الصالح والطالح تاج فوق الرأس ، بما لها ... من إحترام وهيبة ربانية . حالات التحرش بها جداً جداً نادرة تلك الهيبة والإحترام تتدنى مؤشراتها عندما تكون برفقة ... بنت / بنات .. مائلات مميلات (السياج الشائك في البعد عنهن و صحبة العبايه النفسيه ) الحجاب الجسدي ولو كانت ملفوفه به كالمومياء عديم الجدوى دعوى الغزل بعيون المرأه تفضحها مهما تقنعت لأدوار الإنزعاج و العفه مثل هذة النظرات الداعيه إرتداء النظارات السوداء حجابها ............. _شنو رايكم بالمغازلجـــــــــــــــــي بكل امانه .؟؟؟ الغزل قبل الخبز ماضي تولى ... المغازلجي ... بترقيم ونطنطه هنا وهناك بتسول قطاوة المطاعم البحريه وتوسلات المستمكن غير المتمكن ... بكل المقاييس تصرفات ولاديه أكل الدهر عليها و شرب للثماله الابدية [ من خف عقله ... تعبت رجوله و هانت نفسه ] معطيات مثلها بعصرنا الحاضر المعطاء ترفضها و تنعت بالغباء المسطر صاحبها فاليوم تدفق البنات وزخم المنحرفات يغني لحدود الشبع و التخمه عن مثلها بكسرة لكافة قواعد الإحتياج والغزل الذي يااا مااا و ياا مااا جبر و سيجبر بالخواطر الذكوريه على اختلاف مراحلها العمريه بداية ً من الخدج قبل الرضع و الشبوبية ............. جوجولينا ... ديما ليما نايس ــــــــــــــــــــــــــــــــــــــــــــــــــ ـــــــــــــــــــــــــــــــــ آخر تعديل مـــرتــئــمـــ يوم 07-02-2008 في 09:51 AM.
|
|
|
|
|
07-02-2008, 09:37 AM
|
رقم المشاركة : 4 | |
|
|
صباح الخير
هلا جهراويه موقفج جم مره يصير ووياي واتعامل ببرود فيه ولا احسسه اني مهتمه بحركته .. _شنو موقفج لو كنتي مكاني؟؟؟ وشنو ممكن تسوين؟؟؟ ألتفت له اقوله نعم ؟ هو بينحرج ويقلب ويهه من نفسه _هل تقبلين الزواج بمغــــــــــــــــــــــازلجي وراعي سوابق؟؟؟ اذا صار خوش ادمي وعقل ماكو مانع بس للأسف ذيل الجلب عمره ما ينعدل على قولتهم العوي عوي :/ يعطيج العافيه على الموضوع الحلو |
|
|
|
|
07-02-2008, 12:57 PM
|
رقم المشاركة : 5 | |
|
|
مرحبا عسولتنا : كالعادة طرح واقعي ـ عفوي وهذا هو سر جمالك وانجذابنا لطرحك فـــ شكرا لكِ عزيزتي ........................................ بكل صدق هذهـ الظاهرة ( المعاكسات ) أعتقد أنها قائمة الى قيام الساعة اي شاب لابد أن يقطع هذه المرحلة من عمره الا مارحم ربي وتعددت الوسائل : قد لاتكون فقط في الطريق أو في تجمعات النساء والفتيات فهناكـ وسائل أخرى أشنع كــالجوال والانترنت وغيرها الأمثلة كثيرة والمواقف أكثر وأكثر ولكن كل هذا لا يهم الأهم هو موقف الفتاة نفسها من تلك المهاترات ............................................... أكرر شكري عسولتنا وأسأل الله لكِ أن يديم عليكِ نعمة وأن يبعد عنكِ ضعاف النفوس و أن يكثر من أمثالك فمن هي مثلك وبأخلاقك نفخربها آخر تعديل العزيزة دوووم يوم 07-02-2008 في 01:00 PM.
|
|
|
|
|
07-03-2008, 01:11 AM
|
رقم المشاركة : 7 | |
|
|
مشااااااااااااااااعل الخالد
خخخخخخخخخخخخخخخخ والله موقف صعب ... يعني مغازل عيني عينك صج اللى استحوا ماتوا ومثل ما قلتي اذا كان معانا رجال بيوقف هالاشكال عند حدها وانا بعد هالسالفه تبت مانروح الا رجال معانا حبيبتي ام فرج مرورج تاج على راسي وبالتأكيد حضورج يهمني يا الغلا عشان جذي اقولج الف الف شكر يا قلبي على الطلـــــــــــه الحلوه ما ننحرم منج |
|
|
|
|
07-03-2008, 01:21 AM
|
رقم المشاركة : 8 | |
|
|
اخوي مرئتمـ
اقسم بالله لاجيت اقرى ردودك يعجز لساني عن الرد ماشاءالله عندك ثقافه عاليه جدا جدا جدا ومهما شكرتك بكون مقصره بحقك عشان جذي بقولك ان مرورك وسام على صدري وما ينجح موضوعي الا مرورك الكريم الرااااقي الف شكر لك يا صاحب الكلمه ... والف شكر لتواضعك وثقافتك المعطااااائه جوجولينا ... ديما ليما نايس.....<<<<< |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| آذآ مآ دخلتوآ بهكر منتدآكم !. | جنون المشآعر | منتدى الوناسه والهستره | 7 | 07-04-2008 03:18 AM |
دردشة ا دردشه ا دردشة صوتية ا دردشة كتابية
العرض العادي
