معاناتي الشخصيه من نقل وسرقة مواضيعي الخاصه

[السهرانـه]

(( يمنع النقل بأي شكل من الاشكال ))

اسعد الله اوقاتكم بكل خير ..

كل شخص بهذه الحياة يمتلك مايميزه عن غيره .. سواء كان هواية يبرع بها
اوموهبه يبدع فيها ..

لن اتطرق للموهبه .. لاني تناقشت بهابطرح سابق ..
ماسأتطرق له .. هو

(( المـــعانــاة ))

.. الحاصله من .. من يملك موهبه اوحس ابداعي بالكتابه
اوبمختلف المجالات سواء التصوير او التصميم وغيرها من مجالات
الابداع .. وان كان
متواضع ..



ساتكلم عن معاناتي في البدايه .. من مالاقيته من مواقف .. محزنه ومؤلمه ..

بالنسبه لي مازلت في بداية متواضعه بالكتابه .. وبدأت بها قبل عدة اشهر فقط ..
بدأت بطرح مواضيع مختلفه ومنوعه تلامس هذه واقع هذه الحياة ..
واصبحت اطرحها بعدة منتديات منتسبه انا بها .. وطبعا نوهت بكل طرح
انه من قلمي ..

ومع مرور الوقت ..وبانضمامي وطرحي لمواضيعي بمنتديات اكثر واكثر ..
واصبحت اطرحها باقسام خاصه لاقلام الاعضاء ..

لكــــن ..
تفاجأت بواقع مرير ومحز بالنفس ..

الاوهو ..
اتهامي بالسرقه والنقل باكثر من منتدى !


كيف !!
كمانعرف ان الآن كثير من المنتديات تمنع المواضيع المنقوله باقسام
اقلام الاعضاء .. وهذا امر طبيعي .. واي طرح منقول يتم اغلاقه اوحذفه ..
وتنبيه العضو اللي طرحه ..

فعند طرحي مواضيع لي بعدة منتديات .. اتهمت ببعض من مراقبي ومشرفي اقسام
هذه المنتديات ..اتهمت بالنقل والسرقه

لان من بحث هؤلاء المشرفين والمراقبين بقوقل << بحث سريع دون الانتباه
وجدوا هذه المواضيع مطروحه تحت مسمى اشخاص غيري وناسبين
الموضوع لهم!!

وهذا طبعا ماهو الا نتيجة سرقتهم لمواضيعي من المنتديات التي طرحتها
قبل ان اطرحها بالمنتديات التي اتهمت فيها بالسرقه ..

ومع هذا دافعت عن حقي بكافة السبل اثبت للي اتهموني بالسرقه والنقل
باني كاتبة الموضوع الاصليه ..
وبالفعل لان الله مع الحق .. حصل ان الخطأ من هؤلاء المراقبين والمشرفين
لانهم فقط يبحثون بقوقل دون الانتباه لاسم كاتب الموضوع.. هل هو نفسه
من طرح الموضوع بمنتداهم اولا ..
او انهم مايبحثون بدقة للوصول لكاتب الموضوع الاصلي ,,
فيتسرعون بالحكم والاتهام .. بالنقل والسرقه ..
وشي طبيعي بيكونون غلطانين مادام الشخص متاكد وواثق من نفسه ومن
انه الكاتب الاصلي ..



للأسف اكتشفت بالفتره الاخيره الكثير والكثير من الاشخاص
عديمين الضمير الذين ينسبون مواضيع ليست لهم ينسبونها لهم
وانها من قلمهم !!

لكم مع ذلك .. ولله الحمد ..
مازالت الدنيا بخير ..
واغلبية ادارة المنتديات يقفون بصف صاحب الحق وينصفونه ..
وهذا ماعهدته من اغلبية ادارة المنتديات اللي عانيت منها بسرقة
النقل اوالتي اتهمت فيها بالنقل والسرقه ..




هذا غيض من فيض ..
من ماعانيته ..
وماعبرت عنه من خلال هذا الطرح ماهو الا نتيجة .
المعاناة والحزن والغصه التي لازلت اعاني منها نتيجة اتهامي بالنقل
او لنقل مواضيعي ونسبتها لغيري ..

وهذا امر طبيعي ..
لان كل شخص يتعب بطرح اي موضوع وان كان متواضع ..
سيشعر بالغضب والحزن .. نتيجة مايلاقيه ..من ماذكر

حتى اني في بعض الاوقات فكرت بالتوقف عن الكتابه نتيجة
مالاقيته وانا بعدي في بدايتي !!



المعذره على المقدمه الطويله جدا ..
وملخص كل هذا ..

لمن عانى مما عانيته .. او لمن لم يجرب هالشئ ..

ماهو شعوركم نحو هذا الامر ؟

كيف ستتصرفون عند تعرضكم لمثل هذا الموقف ؟

نصيحه توجهونها .. لكل شخص يتصرف تصرف خاطئ

بالسرقه والنقل ونسبة المواضيع لنفسه ؟؟


كلمة اخيرة .. منكم ..

بانتظار تفاعلكم وردوكم ..


تحياتي للجميع

[*جهراويه عسوله*]

ماهو شعوركم نحو هذا الامر ؟


طبعا بتضايق ان احد يتهمني بسرقه مواضيع هي لي اساسا


كيف ستتصرفون عند تعرضكم لمثل هذا الموقف ؟



والله اعتزل الكتابه في المنتديات واقعد أألف لي كتاب واكتب فيه كل اللى ابي
وانشره وبعد ما تعرفه الناس وتعرف من صاحبه يقدرون يتهمون على كيفهم

نصيحه توجهونها .. لكل شخص يتصرف تصرف خاطئ بالسرقه والنقل ونسبة المواضيع لنفسه ؟؟

انا بصراحه انقل مواضيع كثيره واحيانا انسى اكتب منقول بس للأمانه انا ما احب انقل موضوع واقول اني كاتبته بيدي لانه حرام اخذ تعب احد واكتبه بأسمي وانشهر على حسابه


كلمة اخيرة .. منكم ..


حبيبتي لا تشيلين هم والله ما يضيع تعب احد
وخلج واثقه من نفسج

ولا يهمج

وواصلي كتاباتج

وخلي قلمج دوووم متحرر


وخذيها من باب الوناسه

انج تشوفين مواضيعج منتشره في كل المنتديات مو مهم من اللى سرقه

المهم انج توصلين فكرتج واللى بخاطرج للناس


والله ينصرج...


واعذريني على الاطاله يا قلبي

[مشـاعـل الخـالـد]

ماهو شعوركم نحو هذا الامر ؟

مادري لخبطتني ام جسوم بسؤالك اختي هل تقصدين راينا بموضوع السرقه
ولا راينا بالموقف اللي صارلك ..

ان كان راينا بالموقف اللي صارلك ..

الخطأ من مراقبي الاقسام لانه يبين من تاريخ كتابة الموضوع ومن اسلوب الشخص الكاتب
ومن الاشخاص اللي نقلو الموضوع وماكتبوا منقول ...

كيف ستتصرفون عند تعرضكم لمثل هذا الموقف ؟

الحمد لله ماقد تعرضت للموقف هذا ويارب ما اتعرضله لاني وقتها برد رد يسكت المراقبين نفسهم
لانه السارق يبان مايبيلها ذكاء شاطح مره ..

نصيحه توجهونها .. لكل شخص يتصرف تصرف خاطئ
بالسرقه والنقل ونسبة المواضيع لنفسه ؟؟

نصيحه ياليت كل ناقل للموضوع يتبعها .. وهي كتابة (منقول)
لانه عيب الواحد ينقل كلام غيره وينسبه لنفسه


مع اني شفت موضوع مره منقول بحذافيره حتى بالزخرفه نفسها
وماكلفت نفسها هالادميه تكتب منقول ..
والموضوع مثبت بعد ..والاعضاء يردون يشكرونها
وكانها هي اللي كتبته ..



كل الي سويته اني تبسمت .. وخرجت ..





عوافي

[نـــــــو ا ل]

صباح الخير
<< من اللي عانوا
اول احب اشكرج ع الموضوع يعطيج العافيه يارب وصج جات ع الجرح
انا من الاعضاء اللي نباقو ( نسرقوا ) سرقة كبيرة لدرجة انها حتى شخصيتي وصورتي الشخصية وكل مااملك
ولابعد يقولون لها نــوال ترد بكل وقاحة تقول نعم صج مايستحووون

نرد على اسالتج
ماهو شعوركم نحو هذا الامر ؟
ان شالله مانشوف هالموقف
كيف ستتصرفون عند تعرضكم لمثل هذا الموقف ؟
ان شالله ماتعرض له بس من ناحية موقف انه انا بايقيني لا اكيد ماسكت وفعلاً ماسكتت واخذت حقي منهم

نصيحه توجهونها .. لكل شخص يتصرف تصرف خاطئ بالسرقه والنقل ونسبة المواضيع لنفسه ؟؟

اقوله اتق ربك وخاف منه وخل يصير عندك ضمير واحساس ولو انه ماعندك بما انك تسرق مواضيع وتواقيع وتصاميم
وشخصية كاملة للاسف يدل انه هالشخص ابد لايملك ضمير ويعتبر شخص سارق وحرامي يعني عشان محد يحاسبك لاقانون ولا هم يحزنون !! بس في ربك بيحاسبك ان شالله على كل سرقة من حلال غيرك

يعطيج العافيه حبيبتي وخلي ثقتج كبيره بنفسج حتى لو تعرضتي مثل هالمواقف

تحياتي