.. غطاوي واتحدى من يحلهمـ ..

[ابــوشـبـريــة]

اجل مابقى الا السبحه

لاتقولين غلط عااد

مابقى الا هو بمخباتي هههه

[نـــــــو ا ل]

بو شبريــــة


برافووووووووو انت شاطر




صح المسباح اي السبحه



اهوا اللي شايل حريم امتان ويكفخ فيهم بس مايطلع منهم دم


انت الأســـد واتفوز على كل الذيابه



مبروك الحل

وياليت اتحل الغطاية الثانية

وتسلم يا بو الأسـود اقصد بو الشبل

[ابــوشـبـريــة]

الله يبارك فيك نوال

تسلمين على المساعده خخخخ

ولي عوده احل الثانيه اذا محد حله <<< يعطيكم فرصه خخخ

[نـــــــو ا ل]

الله يبارك بعمرك بو شبرية تستاهل والله

بس اقول ترى ماكو مو انت اللي بتحلها الثانية

ابي اســد شايب عوووود يحلها

هههههههههههههههه

[نـــــــو ا ل]

الغطاية الثانية تقول :
شنهو اللي منذكر بالكتب مانشاف
وشنهو اللي دمعته للان مانشاف
وشنهو اللي قاطع الشقين ماانشاف
وشنو اللي مادرى بضيم الدنيا ؟؟



ناطرين حل الغطاية الثانية
وين حلاليين الألغاز

[صبا نجد]

وش هالغطاوي

انتي يوم تقولين شوفي الغطاوي في المنتدى احسبك تبين تبسطين لك بضاعة في المنتدى من براقع وغطاوي ونقابات

قلت العالم شادة حيلها وانا مالت علي ما سويت شي دام انهم فتحوا في المنتدى مول الخليج توقعت انهم فاتحين بساطات الخليج بعد

بس زين وضحتي لي يا نونو في اخر لحظة عشان ما انفضح واتفشل قدام الجميع زين وضحتي لي انها تعني الغاز << شطحت بتفكيرها بعيد << كلن على همه سرى



ما علينا من هالسوالف خلينا نحرك مخنا شوي لي فترة مخي مقفل واخبص بالسوالف

خلينا بالمهم


تقول الغطاوي مدري شنو وشنو


وانا يا نوال مالي في الشنو والمنو

انا قولي لي وشو وايش وليش

انا بحل الفقرة الأولى واتوقع والله اعلم انه الله سبحانه وتعالى جل جلاله


اما الفقرة الثانية الظاهر ادم عليه السلام


والفقرة الثالثة عصا موسى عليه السلام

والفقرة الرابعة الجنين في بطن امه

هاه شرايك يا ويلك تقولين غلط

[نـــــــو ا ل]

هههه ليش شقالولج قاعده بسعودية ابيع هالشغلات

بعدين انا اشتري مابيع > غطاوي معناتها الغاز بس بلهجتنا الكوويتية المصونه

ههههههههههه صب صب شكل همج البرقع والملفع

انا بحل الفقرة الأولى واتوقع والله اعلم انه الله سبحانه وتعالى جل جلاله صح برافو عليج


اما الفقرة الثانية الظاهر ادم عليه السلام قربتي نص ونص


والفقرة الثالثة عصا موسى عليه السلام غلط ياالبي

والفقرة الرابعة الجنين في بطن امه صح برافو عليج

هاه شرايك يا ويلك تقولين غلط



واتقولين بعد مخج مقفل ماتبينا نحسدج ها

هالبنت ذيبة صكت على الذيابة والاسود

[صبا نجد]

للتوضيح نوال عشان لا تحسبينها علي غلط

الفقرة الثانية اقصد فيها دمعة ادم عليه السلام

لانك بالسؤال تقولين وش الدمعة اللي ما تنشاف انا حطيت ادم يعني اقصد دمعة ادم