( يا طبـيب العشــق )

[بعيد الارماس]

متواضعه تحكي عن ذاتها


/

\


يا طبـيب العشق بـ الله قلي وش لقيت ؟

..............................نفسي اعرف وش كتب هالطبيب بدفتره

يا طبيب العشق أنا يوم جيتك واشتكيت

...................................طالبـك ليـه عـلاج المـحبـه تـذكـره

يا طبيب العشق أنا في الحقيقه مادريت

................................ما دريــت أن المحبـه علـيّ مقـدّره

يا طبيب العشق أنا جيت ماشي عند بـيت

..............................احـسـب أنٌ الشبابـيـك فـيـه مسكـره

والتفت يميني مره ولا أدري وش رأيـت

..............................أتخيل صـورة اللـي لمحتـه واذكـره

ومرت ليال وشهور وسنين وعاد جيـت

..............................ولا لقيـت لخاطـري لو كلمـه تجبـره

والعرب ماهي ع الكيف حتى لو بغيت

..............................طالبك يا الله تجعل من الأمـر ايسـره

انكسر حلم الأماني علـى ترديـد ليـت

..............................مثل كسر الشمس على زجاج المنظره

يا طبـيب العشق ياحظ سواق الونـيـت

.................................اللي يـروّح معاهـا يـقـص التـذكـره

بعيد الارماس

[نـــــــو ا ل]

إبــداع في كل حـرف
تسلم وصح لسانك شاعرنا الكبير / بعيد الأرماس
ناطرين جديدك المتميز ,.
تحياتي لكـ ,.

[التميــــــمي]

مبتليك العشق يابعيد الأرماس :)



صح الله قيفانك ولسانك

وجعل راسك سالم


ولاهنت يالطربة

تسلم تسلم

[مشـاعـل الخـالـد]

انكسر حلم الأماني علـى ترديـد ليـت

..............................مثل كسر الشمس على زجاج المنظره


..

بعد انقطاعي عن قرائة حرف القصيد ..

عدت مجددا لاقرأ الرائعه اعلاه

صح لسانك ولا هنت

[بعيد الارماس]

القديره نوال

صح بدنك سلمك الله من الشر وكل مكروه

اشكرك على إطرائك وجمال تعقيبك

لك التقدير والتحيه

إحترااامي

[بعيد الارماس]

اخوي الغالي التميمي

لك وحشه يابعدي

والعشق ملعون الصلايب محدن قدر يسلم منه

لاهنت على هذا العبور الغالي على قلبي

لك تقديري وشكري

إحترااامي

[بعيد الارماس]

القديره مشاعل الخالد

انقطاع من دون شر

صح بدنك كل الشكر على هذا العبور الجميل لاهنتي

لك التقدير والتحيه

إحترااامي

[ضيف ساعه]

اقتباس   المشاركة الأصلية كتبت بواسطة بعيد الارماس متواضعه تحكي عن ذاتها / \ يا طبـيب العشق بـ الله قلي وش لقيت ؟ ..............................نفسي اعرف وش كتب هالطبيب بدفتره يا طبيب العشق أنا يوم جيتك واشتكيت ...................................طالبـك ليـه عـلاج المـحبـه تـذكـره يا طبيب العشق أنا في الحقيقه مادريت ................................ما دريــت أن المحبـه علـيّ مقـدّره يا طبيب العشق أنا جيت ماشي عند بـيت ..............................احـسـب أنٌ الشبابـيـك فـيـه مسكـره والتفت يميني مره ولا أدري وش رأيـت ..............................أتخيل صـورة اللـي لمحتـه واذكـره ومرت ليال وشهور وسنين وعاد جيـت ..............................ولا لقيـت لخاطـري لو كلمـه تجبـره والعرب ماهي ع الكيف حتى لو بغيت ..............................طالبك يا الله تجعل من الأمـر ايسـره انكسر حلم الأماني علـى ترديـد ليـت ..............................مثل كسر الشمس على زجاج المنظره يا طبـيب العشق ياحظ سواق الونـيـت .................................اللي يـروّح معاهـا يـقـص التـذكـره بعيد الارماس

صح لسانك أخوي بعيد الارماس

ليس غريب عليك الابداع

أبيات جميلة وغاية في الروعه

تقبل مروري والله يسعدك