|
|
|
||||||||
 |
|
|
LinkBack | أدوات الموضوع | طرق مشاهدة الموضوع |
07-31-2008, 08:44 PM
|
#1 | |
|
|
أجمل ثلاث قصايد في الشعر النبطي
بديوي الوقداني العتيبي رحمه الله
من برقا من عتيبه وكان شاعر امراء الحجاز الاشراف وكان قريب منهم وكان يكتب بالفصيح والنبطي وكانت اغلب قصايده عن الحكمه واطلق عليه شاعر الحكمه توفى عام 1253هـ قصيدة ((ايـامــنــا والــيــالــي)) ايـامــنــا والــيــالــي كــــــم نـعـاتـبـهــا شبـنـا وشـابـت وعفنابـعـض الأحـوالـي تـاعــد مـواعـيــد والـجـاهــل مـكـذبـهـا واللـي عـرف حدهـا مـن همـهـا سـالـي اليـا اقبلـت يــوم مــا تصـفـي مشاربـهـا تقفـي وتقبـل ومـا دامــت عـلـى حـالـي فـــي كــــل يــــوم تـوريـنــا عجـايـبـهـا واليـوم الأول تـراه احسـن مــن التـالـي ايــــام فــــي غـلـبـهـا وايــــام نغـلـبـهـا وايــام فـيـهـا ســـوى والـدهــر مـيـالـي جـربـت الأيـــام مـثـلـي مـــن يجـربـهـا تجـريـب عـاقــل ذاق الـمــر والـحـالـي نضـحـك مــع الـنـاس والدنـيـا نلاعبـهـا ونمشي مع الفـي طـوع حيـث مـا مالـي كــم مـــن عـلــوم وكـــم اداب نكسـبـهـا والـشـعـر مـــوزون مـثـقـال بمـثـقـالـي اعـرف حـروف الهجـا بالرمـز واكتبهـا عاقـل ومجنـون حـاوي كــل الأشكـالـي قــوم لـيــا جيـتـهـا صـكــت حواجـبـهـا وابدت لي البغـض فـي مقفـاي واقبالـي وقـــوم لـيــا جيـتـهـا رفـــت شـواربـهـا بالضحـك وقلوبهـا فيـهـا الــردى كـالـي والروح وش عذرهـا فـي تـرك واجبهـا راح الحسب والنسب في جمع الأموالي الـمــال يـحـيـي رجـــال لاحـيــاة ابـهــا كالسيـل يحيـي الهشـيـم الـدمـدم البـالـي عفـت المـنـازل وروحــي يــوم اجنبـهـا منـهـا غنـيـمـه ومـنـهـا الـبـعـد اولالـــي لاخيـر فــي ديــرة يشـقـا العـزيـز ابـهـا يمـشـي مــع الـنـاس فـــي هـــم وإذلال عــز الفـتـى راس مـالـه مــن مكاسبـهـا يامرتـضـي الـهـون لاعـــز ولا مـالــي كـــب الـمـنـازل وقـــل للـبـيـن يـنـدبـهـا تشـكـي عليـهـا بـدمــع الـعـيـن هـمّـالـي لاتـعـمــر الــــدار والـقـالــه تـخـربـهــا بيـع الـردي بالخـسـاره واشـتـر الغـالـي مـا ضاقـت الأرض وانـسـدت مذاهبـهـا فيـهـا الـسـعـه والـمـراجـل والتـفـهـلال دار بــــــدار وجـــيــــران نـقــاربــهــا وأرض بــــإرض وإطــــلال بــإطــلال النـاس اجانـيـب لـيـن انــك تصاحبـهـا تـكـون مـنـهـم كـمــا قـالــوا بالأمـثـالـي الأرض لله نـمــشــي فـــــي مـنـاكـبـهـا والله قــــــدّر لـــنـــاارزاق واجـــالـــي حـــث الـمـطـايـا وشـرقـهــا وغـربـهــا واقـطـع بـهـا كـــل فـــج دارس خـالــي واطـعـن نـحـور الفيـافـي مــع ترايـبـهـا وابعـد عـن الهـم تمـسـي خـالـي البـالـي لــو مــت فـــي ديـــرة قـفــر جوانـبـهـا فيـهـا لـوطـي السـبـاع القـبـس مدهـالـي اخـيـر مـــن ديـــرة يـجـفـاك صاحـبـهـا كــم ذا الـجـفـا والتـجـافـي والتـحـلالـي دوس المخـاطـر ولا تخـشـى عواقـبـهـا والمـوت واحـد ولا عنـد الخطـر جالـي ان الـمـنـيــه لــيـــا مـــــدت مـخـالـبـهـا تدرك لو كنـت فـي جـو السمـاء العالـي رب الـسـمـاوات يامـحـصـي كواكـبـهـا يا مجـري السفـن فـي لجـات الأهوالـي ضاقـت بنـا الأرض وأشـتـدت شبايبـهـا والغـيـث مـحـبـوس يامـعـبـود يـاوالــي يالله مــــن مــزنـــة هــبـــت هـبـايـبـهـا رعـادهــا جـاتـلــه بـالـبـحـر زلــزالــي ريــح العـوالـي مــن المـنـشـا يجـاذبـهـا جـذب الّدلـي مـع جبـا مطـويـة الجـالـي ديـمـومـة سـبـلـت وارخـــت ذوايـبـهــا وانـهـل منـهـا غـزيــر الـوبــل هـمّـالـي تسـقـي ديــار شـديــد الـوبــل حـاربـهـا مـاعـاد فيـهـا لبـعـض الـنـاس مـدهـالـي يـاجـاهــل اســمــع تـمـاثـيـل مـرتـبـهــا فيـهـا معـانـي جـمـيـع الـقـيـل والـقـالـي مـثـل المحـابـيـب زادت فـــي قوالـبـهـا في صرفهـا زايـده عـن قـرش واريالـي يـــارب تــوبــه وروحــــي لا تـعـذبـهـا يــوم القيـامـه اذا مـــا ثـقـلـت اعـمـالـي وازكـى صـلاة علـى المخـتـار نوهبـهـا شفيعـنـا يــوم حـشــر فـيــه الأهـوالــي |
|
|
    
|
|
07-31-2008, 08:45 PM
|
#2 | |
|
|
هو الشريف بركات بن جود الله بن محمد أبو نَمي الثاني الحسني هذه قصيده للشريف بركات ينصح ابنه مالك القصيده ((يا مالك اسمع )) يامرقب بالصبح نطيت عاليك ما واحد قبلي خبرته تعلاك وليت ياذا الدهر ماكثر بلاويك الله يزودنا السلامة من اتلاك ياللي على العربان عمت شكاويك وليت يا دهر الشقا ول مقواك واليوم هالكانون غاد شبابيك تلعب به الارياح من كل شباك يا مالك اسمع جابتي يوم اوصيك وأعرف ترى يابوك بآمرك وانهاك وصية من والد طامع فيك تسبق على الساقه لسانه العلياك أصيك بالتقوى عسى الله يهديك لها وتدركها بتوفيق مولاك الله برب أجدادك الغر يعطيك مرضاته مع ما تمنى من إمناك إحفظ دبشك اللي عن الناس مغنيك اللي ليا بأن الخلل فيك يرفاك وإعرف ترى مكة ولاها بناخيك لو تشحذه خمسة ملا ليم معطاك إجعل دروب المرجله من معانيك وإحذر تميل عن درجها بمرقاك لا تنسدح عنها وتبغاني اعطيك جميع ما يكفيك ما حاصل ذاك أدب ولدك إن كان تبغاه يشفيك لو ضاقت إمة لا تخليه يالاك إما سمج واستسمجك عند شانيك ويفر من فعله صديقك وشرواك والا بعد جهله ترا هو بياذك لو زعلت أمة لا تخليه يا لاك وإحذر تضيع كل من هو ذخر فيك معروف لا تساه واوفه بعرفاك ترى الصنايع بين الاجواد تشريك إليا طمعت بغرسها لا تعداك واحذر سرور بغبة البحر يرميك ولا عنده افلس من تشكيك وبكاك وأوف الرجال حقوقها قبل تاتيك لا توفيه بالهرج فالحق يقفاك وهرج النميمة والقفا لا يجي فيك وأياك عرض الغافل أياي وأياك تبدي حديث للملا فيه تشكيك وتهيم عند الناس بالكذب واشراك واليا نويت إحذر تعلم بطاريك كم واحد تبغي منه عرف وأغواك وأحذر شماتت صاحب لك مصافيك وليا جالك جاري قال لو لاك ولا تحسب أن الله قطوع يخليك ولا تفرح إن الله على الناس بداك الضيف قدم له هلا حين يلفيك ومما تطوله يافتى الجود يمناك إحذر تلقي الضيق مقرن علابيك خليه محب لك صديق ليا جاك ووصيك زلات الرفيق أن عثا فيك ما زال يغطاها الشعر فاحتمل ذاك راعه ولو ما شفت إنه مراعيك عساك تكسر نيته عن معاداك وإحذر عدوك لو ظهر لك مصافيك خلك نبيه وراقبه وين ما جاك لا تامنه واطلب من الله ينجيك ويكفيك ربك شر ذو لا وذولاك شفني أنا يا بوك بآمرك وانهيك عن التعرض بين الاثنينحذراك إذا حضرت اطلابه به شرابيك اسع لهم بالصلح واللاش يفداك ابذل لهم بالطيب ربك ينجيك ولا تجضع الميزان مع ذا ولا ذاك أما الشهاده فادها إن دعوا فيك بين عمود الدين لا عميت أرياك بالك تماشي واحد لك يرديك طالع بني جنسك وفكر بممشاك رافق أصيل في زمانك يشاكيك لا شاف خلاتك عن الناس غطاك وحذراك عن طرد المقفي حذاريك عليك بالمقبل واترك اللي تعداك ثم إلعن الشيطان حذراك يغويك ترى أن تبعته لشرابيك وداك وأوصل لا تشكي علينا بلاويك انت السبب اطرفت عينك بيمناك وإعرف ترى الي واطا الفعرو اطيك ولا أنته أعز من الجماعة هذولاك ألمسك يا راسي من الذل وأخطيك وأحذر تكلم يالساني وحذراك وألطف بجارك قوم من دون عانيك وافطن لما يعنيك عن ربعة اخواك ياذيب وإن جتك الغنم في مفاليك فاكمن لها ياذيب لاما تعداك فيما مضى يا ذيب تفرس بياديك واليوم جاء ذيب عن الفرس عداك ياذيب عاهدني وعاهدك مارميك مرميك أنا ياذيب لو زان مرماك والنفس خالف رايها قبل ترميك ترى لها الشيطان يرمي بالاهلاك ومن بعد ذا لا تصاحب النذل يعديك عن صحبة الانذال يابوك حذراك والهقوة ان ما تجي دون أهاليك ولا ظن عود الورد يثمر بتمباك الحر مثلك يستجي يصحب الديك وإن صاحبه عاعا مععات الادياك لا تستمع قول الطرف يوم يلقيك بالكذب يقضي حاجته كل ماجاك من نم لك نم بك ولا فيه تشكيك وألياه قد زرى رفيقك وزراك عندك حكا فينا وعندي حكا فيك وأصبحت كارهنا وحنا كرهناك ما خطاك ما صابك ولو كان راميك واللي مصيبك لو تتقيت مخطاك مير استمع مني عسى الله يهديك أنصحك يا ما لك لك الله مولاك عندي مظنه ما تمثلثها فيك واطلب لك التوفيق من عند مولاك |
|
|
|
|
|
07-31-2008, 08:46 PM
|
#3 | |
|
|
الامير الشاعرمحسن الهزاني شاعر الحريق وهو من الهزازنه ولهم اماره قديمه على الحريق قصيدة(( الاستغاثة )) دع لذيد الكـرى وأنتبـه ثـم صـل وأستقم بالدجـى وابتهـل ثـم قـل يامجيـب الدعـاء ياعظيـم الجـلال يالطيـف بنـا دائـم لــم يــزل واحـد مـاجـد قـابـض بـاسـط حاكم عـادل كـل مـا شـاء فعـل ظاهـر بـاطـن خـافـض رافــع سامـع عالـم مـا بحكمـه مـيـل أول آخـر لـيـس لــه منتـهـى جـل مالـه شريـك ولا لـه مثـل بعـد لطفـك بنـا ربنـا افعـل بنـا كل ماأنـت لـه يـا إيلاهـي أهـل يا مجيب الدعاء يـا متـم الرجـاء أسألـك بالـذي يـا إيلاهـي نـزل به على المصطفى مع شديد القـوى وأسألك باللـذي دك صلـب الجبـل الغنـى والرضـا والهـدى والتقـى والعفو والعفـو ثـم حسـن العمـل وأسالـك غـاديـا مـاديـاً كلـمـا لج فيها الرعـد حـل فينـا الوجـل وادق صـادق غــادق ضـاحـك باكيـاً كلمـا هـل مـزنـه هـطـل المحـث المـرث المحـن الـمـرن حاميـاً سامـيـاً آنـيـاً متـصـل واسألـك بعـدذا عارضـاً سائـحـاً كـن دقـاق مثنـى سحابـه طبـل دايـر حـايـر عــارض رايـحـاً كل من شاف برقـه تخاطـف جعـل من سحاب صدوق جفـول عريـض مـرِيٌــض ونـــي عــجــل كن مزنه إلـى مـا ارتـدم وارتكـم في مثان السـداء دامـرات الحلـل ناشياً غاشياً سـداه فـوق السهـى كن مقـدم سحابـة يجرجـر عجـل مدهـش مرهـش مرعـش منعـش لمع برقه كما سيـوف هنـد تسـل كن نثر الطهـا يـوم هـب الهـوى فرق ريم جفـل وارتهـش واجتـول كل ما اخطفـق واصطفـق واندفـق واستهـل وانتهـل انهمـل كالهلـل أدهـم مظـلـم مـوجـف مـركـم جور سيلـه يعـم الوعـر والسهـل به يحط الحصى بالوطـا مـن عـلا منحـي بالرفـاء والغثـاء بالشلـل حينما ارتـوى واستـوى واقتـوى واستقـل وانتقـل اضمحـل المحـل بعد ذا آخر مـا حمـي جـور مـاه ثم يشيل الشجر في مسيـل الفحـل كلمـا ازدجـر واندجـر وانفـجـر ماه حط الحجر في جـروف الجبـل والفياض اخصبت والرياض اعشبت والركايا ارجعـت والمقـل اسفهـل والحزوم اربعت والجـوازي سعـت والطيور اسجعت فوق زهـر النفـل كن وصف اختلاف الزهر في الرياض بالتـلاون فـروش الزوالـي نفـل بعـد ذا علهـا مـرهـش قالـطـن في بقايا اربع مـن سمـاك العـزل بعـد هــذا يعـلـه زلال بــدلال قدر شهـر سقـا راسيـات النخـل راسيات المثانـي طـوال الخطـور مستطيـل المقـادم جريـد مـظـل حيـث هـن الذخايـر إلا مـا بقـى بالدهر مـا يديـر الهديـر الجمـل تغتني به رجـال بـوادي الحريـق هم قـروم كـرام إلـى جـا المحـل هم جـزال العطايـا غـزار الجفـان هـم بـاب بضيـف بليـل هـشـل يا مجيب الدعاء يـا متـم الرجـاء استجـب دعوتـي إننـي مبتـهـل إمح سيئتـي وأعـف عـن زلتـي إننـي يـا إلاهـي محـل الـزلـل الــذي مدفـيـك إلاهــي فــلا خـاب مـن مدفيـك إلاهـي أمــل اهدنـي يـا إلاهـي فإنـي أقــول دع لذيذ الكـرى وانتبـه ثـم صـل ثم ختـم الصـلاة علـى المصطفـى عد ما أنحى سحاب صـدوق وهـل |
|
|
|
|
|
07-31-2008, 09:54 PM
|
#4 | |
|
|
تووواق
يعطيك ألف عافية يالغلا شعر عظيم لكن ربما أوافقك الرأي وغيري يخالفك الرأي فلكل منا كلمات تهز وتر حساس بقلبه يعدها الأروع لكن ثلاث قصائد ولا أروع لك تحيتي  ملك الجن ،،
__________________
لا تأسفن على غدر الزمان لطالما رقصت على جثث الأسود كلاب ولا تحسبن برقصها علت على أسيادها تبقى الأسود اسود والكلاب كلاب  |
|
|
|
|
|
08-01-2008, 01:56 AM
|
#5 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
الله يعافيك اخوي
الاختلاف في الراي لا يفسد للود قضيه يوجد قصايد لشعراء كبار امثال ابن لعبون و شالح بن هدلان و ابن رشيد و خلف الاذن والامير احمد السديري و بندر بن سرور ......الخ الله يرحمهم جميعا ومتسيد الشعر النبطي حاليا بن جدلان بدون منازع شاعر فحل صعب مجاراته وجهه نظر تقبل الصواب والخطأ ولاكن في نظري اجمل ثلاث قصايد تلك التي في الموضوع لما تحمله في طياتها
معك اخي الشعر الان بيت او بيتين في قصيده فقط مايشد المستمع
شكرا لك
تحياتي تواق |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
|
08-05-2008, 07:35 AM
|
#6 | |
|
|
بالفعل قصائد جميلة .. من شعراء يستحقون كل التقدير يعطيك الف عافيه // توااقـ وسلمت يمناك على نقل هذه القصائد دمت بخير ..,,
__________________
 ؛ صاح الزمن بـ أيامه البيض عجلات ... ولا بقى لك غير سود النكوفه قريت تاريخ الـ هوى عشر مرات ... وآخر سطر مابيّـنت لي حروفه ..! |
|
|
|
|
|
08-05-2008, 02:30 PM
|
#7 | |
|
|
يعطيك العافيه اخوي توااق ولا هنت على هالقصائد الرائعه
الاولى رااائعه جدا وكلماتها فيها عزة نفس جميله ووصايا الشريف فيها من الحكمه والوعظ الشئ الكثير وقصيدة الهزازي فيها اجلال وتعظيم وايمان بالقضاء والقدر رااائعه ايضا سلمت وسلم لنا نقلك الجميل دائما احساسك راائع وجميل تحيتي لك
__________________
 كل عام والجميع بالف خير
|
|
|
|
|
