كبسه تراثيه على شرف الشايب حقوق انسان

[شــوق الــنـــداوي]

اليـوم عازمينكـم على كبسـة ضبـان على شرف حقوق الانسانيـه
نـرد لـه عزيمتـه وياليـت نلقـى احـد بعد يعشينـا ولا يغدينـا ونخليها دوريـه بينـا

،، ،، ،،

ذبيحتنا هذي هي طبعا عارفينها متوفره في البران بكثره خاصه في فصل الصيف



،، ،، ،، ،،

هذا هـو صدنـاه يستاهـل حقـوق من يطارد الضبان ويصيدهم له



،، ،، ،، ،،

طبعـا يذبـح حسب الشريعـه الاسلاميـه يوجـه للقبلـه وبسم الله والله أكبـر
عقبها يتـم شـق البطـن وإخـراج الشوايا منـه << مدري وش تسمونها عاد .. احشائه يعني ..



،، ،، ،، ،،

وينظف عدل ويصلخ حتى العكره <<< يعني لحد يقطها ترى ياكلونها بعد



،، ،، ،، ،،

بعد ما تغسله تجيب البهارات والملح والبصل وليمون وكل ما تيسر عندك ما فيه مشكله
وتخليه فيه يتتبل على راحته يعني لا تستعجل على اكله اصبر شوووي ساعه كذا
بعدها جيب اقرب قدر عندك وحط الزيت والبصل والبهارات والدنيا كلها مثل الكبسه العاديه وتضيف
عليها مااي مغلي وتحط الضب المقطع فيـه وانساااااااااااه عاد ساعتين ثلاااااث وش وراك



،، ،، ،، ،،

ولا حسيت انه استـوى كب فووقه العيش أو الرز مثل الصوره اللي الحين



،، ،، ،، ،،

وبالهنـــاء والشفــــاء حيـــاكــــم إقلــطــوا لحــد يستحــي



،، ،، ،،

[شــوق الــنـــداوي]

مـلاحظـات :

ذبيحتنـا يبيلها مطـارد يعني مهي متوفره في اسواق النعيريه

1) اصطياد الضب اما بشكمان السياره في احدى فتحات الجحر لانه بالعاده يكون جحر الضب
له عدت مخارج ومداخل يحطها له لطواريء ، هنا نحط الشكمان من مدخل الجحر واللي يصيده ينتظره يشرف الضب بالخروج من المخرج الاخـر ويتم على ذلك اصطياده ..

2) الطريقه الاخـرى استبدال الشكمان بالمااء والطريقه هذي افضل بدل التلوث البيئي محنا ناقصين ..

3) اخـر طريقه اذا كان خارج الجحر هنا الله لا يهينك تطلق لساقيك العناان وطردي وراهـ وانت وحظك
اما تمتر البر طول بعرض لين تصيده ولا يفلت منك ويعوض الله بخير منـه ..

،، ،، ،،

ملاحظـه أثنــاء الطبــخ :

لا تأمن للضب وتقول انـه مات خلاص وتريح عمرك انتبـه للقدر وحكم غطـائه لانه يباغتك بحركات
بهلوانيـه غير متوقعـه يعني لا غفيت عنـه توقع تلقى القدر بصوب والغطاء بصوب ولحم الضب رايح
يركض وانت تطارده من جديد <<< امااا عاااد هههههههه ..

،، ،، ،،

أخــر ملاحظــه :

الرجـال أول يقلطـوون على الصحن عقب الحريـم كذا العادات والتقاليد بما إن في قسم التراث



تشكراتي وان شاء الله تعجبكم طبخاتي


نــداويـــه

[حقوق الانسان]

وش بلاه قلب أصفر شكله من الخرعه

يعطيك العافيه اختي شووق ولو اني كنت مامل على حاشي

بس يالله من يد ما نعدمها


الحقيقه ماقد اكلته بس شكل الكبسه حلوه بجربه باذن الله يوما من الايام

سلمت يالله اقلطوا نهار ولا يهونون الباقين

<<<< ينادي على حبسيه تغسل القدر وتجهز ابراد شاي بالنعناع

[شــوق الــنـــداوي]

يالله حيه مرحبا ومسهلا

ابشر بالحاااشي بس كبسة الضب علشان تفتح نفسك << الا شكلها سدته ..

عسااه جااز لك ترااني تعبت على طبخه

جعل فيه عافيه يا الشاايب وان شاء الحااشي في الطريق << والله البلشه من بيطبخه


شاكره لك قبووول الدعووووه

<< تنتظر دووور الحرريم تبي تذوووق طبخهااا

[حبسيه]

طيب ليش يعني يا شووووووق

ضرت اكره كلمت كبسه الله يسامحج

عليكم بالعافيه انت وحقوووووووق

حقوووووووووق

انا اساسا ما رايحه ادخل ها الموضوع مره ثانيه ابدااااا

يعني اخدم نفسك بنفسك انت وها الاكله












شووووووووووق

تسلمين ياقمر





عيل اصبرووو علي يا شوااااااب وعجائز المنتدى

ان شاء الله بنزل اكلاااااااااااات تتاكل

مو تلوع الكبد

[نـــــــو ا ل]

<< راحت ترجع < تكتب ومغمضة وي وي وي ويـــــــــع

الله يسامحج مالقيتي غير تطبخين هالبوكيمون

نداوية ليش جذي تبين تسممين يدي

هههههههههههههههههههههه

ولا اهو طاير من الفرحه ولا يبي حاشي << تفكر تسوي له مطبق اخطبوط مو خو يدي صارت معدته حديد قابله لكل شي وضد الكسر < طقته عين

يعطيج العافية ولو انج مسويه مربين كان بها < حتى هاذا حرمته ابد

[شــوق الــنـــداوي]

يا ربي وش فييييييك ليه كل ذا الصراخ

<<< ميته من الضحك

يعني وشوو انا بقعد على الصحن لحااالي
هييين الشرهه على اللي يعزمكم يا بنات الخليييييييج

بناادي نوااااال تاااكل معي تقوولي انها تمووووووووووووت في لحم الضب

كل مشروووك مبروووك سمي يا نواااال

خلي حبسييييه تغسل الصحووون تستاااهل


شرفني مرووورك حبوووسه

[شــوق الــنـــداوي]

يؤ يؤ يؤ


هلااا وغلااا نوااااااااااااال

لا تفشليييييييييييني انا قلت تحبينه يعني تحبييييييينه وتاكلين معي غصب

يالله اقعدي على الصحن ما عندناا حركااات دلع

وبكررره بنتعشى حااشي وعقبه مطبخ اخطبوووط مثل ما قلتي


فدييت الطله واكلي زيييييين