أستدار عباد الشمس أو ماأستدار!!!

[twwag]

.
.

.
.
ياتوق اللي ساقني لك مايسوق الا الكبار
- - - - -- - - - - شايب فليـلـة احتـظاره .. لا تنهد حنلك

شاف الجروح الي على ذكراك يمليها الغبار
- - - - - - - - - - واسترجع الذكرى القديمه ما قدر يتجاهلك

قال العفو يامن ظلمتك في شطانت الصغار
- - - -- - - - - - - ارجو شمولي بالعفو راحل ولبغي اخذلك

خلك كبيره في عيوني والعفو اصعب قرار
- - - --- - - - - - لاصرت همك والغرورالي ملـكني قاتلك

هذا كلامي لي غزا..او بالاصح حكم البوار
-- - -- - - - - - - واكبر خطا قفـيت ياقلـبي وهـو ايخطلك

مدري الخطا مني زلل..ولا الخطا فيكم يشار
- - -- - - - - - - علل حدوث الفعل ..تعرف للجفا من وصلك

دامي رحلة ومابقالي غير فرقاكـم قرار
- - - - - - - - - - انسي ترف ضحكاتنا خلـي الدموع اتبللك

قد قلتلك لاخير في دمعات تيبس الخظار
- - - - - - - - - - وانـتي تحسبين البكا يروي فمحصول اولك

خلي نهاية قصتي ضحكه ولا مبدات ثار
- - - - - - - - - - خلني اقول انك نهاية بسمتي وشتاقلك

خلني اقول اقدار صابت حبنا والليل جار
- - - - - - - - - - خلني امثل لو ظلمتك كيف وضع امزعلك
.
.

.
.

بس دامني حي والمسى لازم يجي بعده نهار
- - - - - - - - - - بمسي وبصبح في خيالي والحقايق تجهلك

هذي الحقيقه لي معي لو ودكم كشف الستار
- - - - - - - - - - لامانـع انـي افتـح الذكرى وصلحـها ألـك

قم خلنا نسترجع الذكرى ورا..وسط الدمار
- - - - - - - - - - خلني ادو ر قصتي بين الحطام الي هلك

قم خلنا مــره نحقـق لـو نتيــجة انحـدار
- - - - - - - - - - من بعـدها نقـدر نقـول إنا تعالكنا علك

خلنا انعرف من مننا داس الخطا وصابه انهيار
- - - - - - - - - - خلنا نشـوف الـواقع الـي مادرا عنه الفلك

من مننا قصر ومن فينا تأثـر وأستدار
- - - - - - - - - - من مننا اخر حنانه فـي دواعيسه سـلك

ياتوق الي سمني مليـت كـثر الانتضار
- - - - - - - - - - مافيه داعي تنتظر حبي وهو ماعادلك

يكفي تناديني وانا مقفي ادور لحتظار
- - - - - - - - - - يكفي امّيـّل فالحقايق والحقيقه اتميلك

ياطيشي الماضي وياحبن رماني وسط نار
- - - - - - - - - - اعطيت عمري في يدينك ليت قلبي بادلك

لتكثري فيني انتقادك دام جاك الاعتذار
- - - - - - - - - - هذا وجرحي لي تكلم .... لو تكلم جاملك
.
.

.
.
((أستدار عباد الشمس أو ماأستدار))
عدم الكتابه على التصميم
ابي اقفل بالشيش على حقوق الأنسان<<<صاير ناقد على الخطوط
عارف ياحقوق بتقول ماعندك سالفه ياتواق بعد رمضان قال بعد رمضان
مقدر اصبر
.
.
الكلمات لاأعرف لمن تم وضع توق بدل نوره

[حقوق الانسان]

اقتباس ابي اقفل بالشيش على حقوق الأنسان<<<صاير ناقد على الخطوط عارف ياحقوق بتقول ماعندك سالفه ياتواق بعد رمضان قال بعد رمضان

يوم انك عارف ليش طيب جيت


يعطيك العافيه توااق القصيده جميله جدا

اقتباس قم خلنا نسترجع الذكرى ورا..وسط الدمار - - - - - - - - - - خلني ادو ر قصتي بين الحطام الي هلك قم خلنا مــره نحقـق لـو نتيــجة انحـدار - - - - - - - - - - من بعـدها نقـدر نقـول إنا تعالكنا علك خلنا انعرف من مننا داس الخطا وصابه انهيار - - - - - - - - - - خلنا نشـوف الـواقع الـي مادرا عنه الفلك من مننا قصر ومن فينا تأثـر وأستدار - - - - - - - - - - من مننا اخر حنانه فـي دواعيسه سـلك

جميله هذه الابيات بما فيها من اوجاع

واللوحات ايضا جميله

صيام مقبول وذنب مغفور يالغالي

[twwag]

اقتباس يوم انك عارف ليش طيب جيت

ماعندي أجابه..يا...

اقتباس يعطيك العافيه توااق القصيده جميله جدا

الله يعافيك ويسلمك

اقتباس قم خلنا نسترجع الذكرى ورا..وسط الدمار - - - - - - - - - - خلني ادو ر قصتي بين الحطام الي هلك قم خلنا مــره نحقـق لـو نتيــجة انحـدار - - - - - - - - - - من بعـدها نقـدر نقـول إنا تعالكنا علك خلنا انعرف من مننا داس الخطا وصابه انهيار - - - - - - - - - - خلنا نشـوف الـواقع الـي مادرا عنه الفلك من مننا قصر ومن فينا تأثـر وأستدار - - - - - - - - - - من مننا اخر حنانه فـي دواعيسه سـلك

اقتباس جميله هذه الابيات بما فيها من اوجاع

الابيات اتركها نبي التصميم

اقتباس واللوحات ايضا جميله

شهاده منك

اقتباس صيام مقبول وذنب مغفور يالغالي

وياااااااااااك يارب

[نـــــــو ا ل]

مبدع كالعادة استاذنا تواق

اشتقنا لوجودك اهني ,.,

لاتطول علينا

[نزف الابداع]

توااااق نبي كل يوم تصيم
لأن محتاجين كل يوم نشوف لوحه جميله

أعجبني تدرجات الألوان باللوحه الوسطى
لانوجد أخطاء لا توجد رتوش أستاذ بكل شيء
لا أعرف اصمم ولكن كل لوحه لتواق ولا يهون
حقوق إنسان أدقق فيها لأقصى درجه للتعلم فقط

أخوك


نزف الابداع

[نزف الابداع]

يجب أن تضع للبعض سمعات قبل إعطائها إلى twwag مرة أخرى

[ـالهنوفـ]

استاذي ,,

اولاً ... وين مسرح العمل !!

ثانياً .. ليه ماكتبت بيت من القصيده على التصميم ..!!

ثالثا .. لي عوده بعد ان تكتمل ملامح العمل ....

ارق التحايا ,,