"حرب اللحوج .. وامريكا كلت تراب " قصةٌ يرويها قروي يتقهوى
وش هالعالم ووش هالبلاوي اللي فيه !!
كل يوم فيه حرب <--- الله من زين التعبير .. العراق وافغانستان وليبيريا هالحين كلها مشاكل وعيال حارتنا متطاقين مع راعي البقاله وابو جيراننا دابغن ولد خالتي رويشد ابو سعبوله بلاه كاسرن قزازة موتره يقالك بيتويقع على قطو وحطها في القزازة ..
وكل ما تسدحنا عند هالتلفزيونات ودنا نوسع صدورنا جتنا هالاخبار اللي تخلي الواحد يكح الين ما يقعد يردح بسارعي للمجد والعلياء من ضيقة الصدر ..
وقررت اليوم إني اوسع صدر نفسي .. قلت بلاش هموم يا ولد وخل اناظر افلام كرتون.. وفتحت قناة الجزيرة عشان اناظر السبيس تون احتري جزيرة الكنز تجي<--- محشش الله يصلحه
يوووووم جا ذاك الشين اللي يقرا الاخبار .. اللي كنه متعلق في خشمه بزر .. مدري وش بلاه 24 ساعه قافله معه كنه جد لينا هههههههههههههههههه وقعدت اناظرها واتقهوى .. او اتقهوى واناظرها .. وما فيها شي لو عكستها ترى كلها واحد لحد يدقق <--- طيب احد قال لك شي يوم تسوي زحمه خخخخخخخخخخخخ
عاد محاتسيكم اول مره يشوف اخبار .. يعني قروي .. ما اعرف من هالخراميط الا النشره الجويه وما اناظر الا حسن كراني بلاه اطخم ويعطيك جو وانت تتفرج عليه وهو يقول طلاطه وطلاطيييين
ومرتن من المرارير ركبت مع واحد وشغل الـ FM حسيت انه مباحث
.. ما تعودت على هالتقنيه .. ما اعرف من الاغاني الا ثلاثة اشرطه لبشير واحد منها لقاه ابوي معي وقال الاغاني حرام لازم تمسحها وتسجّل على الشريط شي ثاني .. رحت سجلت محمد السليّم .. :o
عاد من زين هالاخبار اللي قعدت اناظرها ... كلها ذبح وذبيح وعلوم(ن) تضيق الصدر .. بدت الاخبار ومدري وش قعد يطنطن علينا هو وصلعته ذاك اللي موب يضحك أبد لين ما شفت شي حسبته صور لتوسعة الحرم .. قربت للتلفزيون يقالك باتابع الخبر اخاف انهم حطوا امام جديد للحرم ما علموني <--- انقلع واللي يرحم آآبوك دريت ان الدعوى لا هيب حرم ولا من هالنمونه ... فيه تكارنه ولحوج في ليبيريا العاقل منهم لو يجي فيذا كان ينشطب من اول رد .. يتذابحون يا كافي ويترامون بهالرشاشات تسنهم يتراجمون بحبوب كيرم من زود الجلافه
وش عاد يومك صاك(ن) إثمك وموّزي سنونك .. تخاف ننظلك ؟
بس توني ادري ان اللحوج عليهم مسكات مدري وش تبي ...لهم فوق السبوعين وهم ذابح ومذبوح وهي اللي تروح عنهم ام العبيد امس ويجدعون اسلحتهم ويروحون يسلمون على بعض ..!! يقول المراسل انهم يوم يسلمون على بعض ويروحون يتحابون ويتجاغفون انهم تحت تأثير المخدر .. تكروني وصفق له زقارة حشيش وش بيغدي عاد خخخخخخخخخخخخخخخخخ
الله من الترقيم والخساسه في هاللحوج .. ما يندري وش هم يزينون وسط هالزحمه
والشعب قام يشاهق من الوناسه ويطامرون هاللحوج في الشوارع من الفرحه يوم قضى الطقاق بلاهم انغثوا وفاحت ريحتهم مساكين وحالتهم غدت حالتن ما يعلم بها الا الله .. ماتوا منهم واجد وتعوّروا ناس و مهنا علاج ولا شي(ن) يآكلونه والا يشربونه ..
ترى نصف هالمحششين ما يدرون وش الطبخه طالعين يرقصون ويستهبلون يحسبون منتخبهم فايز
ومن يوم ما شفتهم وانا اقول يا زين السعوديه .. والاحساء .. والخبر .. والجبيل ..
الخليج
من جد والله قاعدين فيذا امن وأمان لا حشيش ولا لحوج ولا حتى حق قناة الجزيره ذاك اللي يخوف ..
وجا الخبر اللي عقبه على طول اردى من هذا بس انه يفل الحجاج ويخليك تبرد تسبدك في هالحمّر العطرّ اللي سووا فيها اشناب وراحوا للعراق وتوهقوا .. قال تحرير قال يا جعلهم للصاوي اللي يشب في تسبودهم <--- ذا الدعوه حقت جدتي شريفه
بصراحه والحق يقال ... استوقفتني صوره .. نظرت إليها ملياً <--- وش عنده كول قباني
دوكم اياها ..
نعنبوهم وش زين خدودهم وبراطمهم ولو انهم في حرب وغبار وشموس .. وحنا لو الواحد يطلع خمس دقايق يجيب خبز رجع للبيت وفي وجهه مشق
ما علينا زيون والا موب زيون ... الزين للحرمه موب للرجال <--- تفوووو عليك حامض
اهم شي ان أمريكا فيذاك مآكله تراب(ن) وش ملحه وكل يوم يغدي أردي من اللي قبله وعساه من تسذا وأردى ان شاء الله .. وامس هالقريّب قاعدين في القصر الرئاسي حق صدام اللي هو مقر القوات حقتهم ولا دروا الا وكلش يهز حولهم وانفجارات واختبصوا وقاموا يطلقون في الهوا ويمين ويسار الين ما هجدت الدعوى .. عاد خبركم امريكا لو يموتون عشره منهم قدامك يطلع واحد ويصرّح عيني عينك ويقول " اصابات طفيفه "
عسكري ورشاش وطاقية حديد ومكلّف(ن) على رويحته وآخرتها لو تتفل في خشته مات من الخوف
وامس القريب ذا اللي راح جا عراقي وده يمزح معهم وأطلق عليهم صاروخ وهم في قسم الشرطه و نثرهم نثر وسط القسم وتشلّخ منهم اثنين ودوهم للمستشفى في سيارة اسعاف <-- اشوى احسبه في سيارة عسكريم وبعد انفجرت قنبله امس في موتر واحد ومات .. وهالواحد مقاول امريكي "دامه مقاول غريبه ما صار زيدي " ..
أمريكي فاضي قاعد يسوي رشـّه في موتره <--- الا والله انت الفاضي
....................................
مايستفاد من الموضوع :
1 - الاخبار مهيب زينه .. غير النشره الجويه لا تدوّر .. اجل بالله عليكم احد بيسمع طلاطه وطلاطين ولهوب رايحن وطي مع هالدلع <--- قال دلع قال خخخخخخخخخخخخخ
2 - لعد تخلي مسنجرك مفتوح وانت تكتب .. لانه كل شوي يجي واحد ويسولف معك ويشغلك .. <--- ان قراها حاذف ترم بيدي اني صقعته بلوك
3 - اربط حزام الامان .. مع تحيات شركة الكهرباء برعاية جامعة أم القرى
4 - هذي حطيتها كذا بس .. موضوعي وبكيفي اسوي اللي ابي
5 - وين مفتاحي ؟
6 - ايه خلاص لقيته
7 - استروا ما واجهتوا ... ويا حبي لكم
حرب اللحوج .. وامريكا كلت تراب " قصةٌ يرويها قروي يتقهوى 
العرض العادي
