كرافت في شقة عــزاب

[الساحره2]

تررررن ترررررن ! تررررن تررررن !

الو

الو ... هلا مشعل شلونك

هلا هلا تركي ... بخير الله يسلمك يالمصلحجي وش تبي

ياخي ماجعت ؟ مشعل تكفى ابي رز

لا اكون امك؟؟؟ انا وش علي منك تبي رز اطبخ رز

ياخوي ويني وين اميمتي.. بعدين تعال انا جايب كل شي بس تعال اطبخ (طبعا تركي الدلخ مايعرف يطبخ)

(ومشعل كالعادة يتغلى).. طيب مهوب الحين اصبر لين نجوع صح...

يامشعل حرام عليك بموت جوع تعال .. تعال واعطيك علبة جبن سايل (كرافت)


هو تركي قال كرافت ولا ما قالها وانا اللي احس الكلمة تمشي مسررررعة من سماعته وبين الاسلاك وتدخل سماعتي ومن سماعتي على اذني وتمر (كرافت) من عند الطبله تمشي مليون .. وتاخذ منعطف خطير في اخر الطبلة وتدخل عرض لخلايا المخ حتى من قوة دخلتها ملف الطبلة حسيت ان العلبة حكت في شريان معترض وطاح غطى العلبة وثارت ريحة الجبن ...
والريحه تسابق العلبة لين صكت في المخيخ الايسر قالت العلبة للريحه شكلنا غلطانين يالريحة الجزء هذا من مخ مشعل معطل ماتشوفين الخلايا كلها مغبره ... قالت الريحة تدرين خلينا نمسك طريق الدائري العلوي ونطلع على المخيخ الايمن من فوق ... هي قالته ولا ما قالته وتفحط لك هذيك الفحطه كأنها (بيب بيب) اللي في افلام كرتون ... ومسابق على الدائري ...

على الدائري العلوي كان فيه علبة كرافت صغيرة لونها اخضر كانت متخبيه تحت واحد من عظام الجمجمة (الحين بيقولن لونها اخضر اكيد معفنة) لالالا ... هذي علبة مرور متخبيه ترصد سرعة باقي العلب

المهم والله ماعندك احد طايرين ... قبل ما يوصلون حسيت ان العلبة اكلت مطب قوي قبل مدخل المخيخ الايمن ...(قلت بصوتي احححح)



احححح ؟؟؟ قال تركي وش فيك ؟
قلت لا لا ولا شي رجلي طقت في طرف السرير لا يكثر هرجك بس قطع البصل انا جايك امشي مليوووون

طبعا تخيلوا كل السالفة اللي فوق مرت عندي في جزء من جزيئات الثانية ... وحسيت ان تركي قتلني برصاصة او مسك اليد اللي تعورني

واطلع من غرفتي صاروخ وجع وجع وجع وين رايح ؟؟؟ بدون فنيله ارجع البس شي تستر يا مال اللي مانيب قايل ... قلت في نفسي والله مهوب منك حسبي الله على اللي جاب سيرة الجبن السايل ...
وارجع والبس تي شيرت حتى مدري وش لونه ... وصاروخ على المطبخ



يوم وصلت الين تركي يقطع البصل قال: اي جابك الجبن السايل يامشيعل ... (لاحول بيمن علينا هذا ؟؟) وشرايكم اثقل عليه واوريه ؟؟؟ مع اني خايف يطنشني و تطير العلبة ؟



قلت يا ولد اهم شي كرامتك لايقعد تركي كل يوم يذلنا بعلبة جبن

بس المشكلة انه ما يباع هنا .. تركي موصي واحد من اخوياة وجايبه من بــرا السعودية تهريب... بس انا عارف انه يحبني وطالبها لي


قلت ياخوي انت جبت كم علبة جبن وعلى بالك ملكتني انت وخشتك وتركي ميت ضحك (وانا اقول في خاطري كمل كمل تعجبني يا شديد )

والله واكمل... قلت اسمع انت وهالمريله اللي لافها على وسطك طالع فيفي عبده ... انا اطبخ بمزاج مو بعلبة جبن ...
قال اي هين شف التوست والجبن في الثلاجة ماودك تحمي لك وحده وتمسح عليها بالكرافت تعدل مزاجك شوي ...
ما امداه كمل كلمته الا هذيك التوسته اللي يحبها قلبك تقول طننننننننننن طالعه محمره من التوستر .. نسيت تركي ونسيت البصل والمطبخ كله واقعد امسح عليها بشوي شوي كني ماسك مولود توه جايني ...
وبحنان الحنان يا توسته لا يسيل الجبن ... حطيتها بين اساني وشغغغغغغ ...ياعمري انا يااحلى توسته في الدنيا ... واناظرها في يدي مدري اكلها ولا ابوسها ولا اروح احب راس تركي ...

يوم التهمتها كلها قلت تركي تبي اسوي لك وحدة ؟(طالعة ماهي من قلب ابد) ... قال اقول ما عندك نيه تطبخ انت ؟؟ قلت اوووووه صح رز ؟ طيب تبي نصلح رز بالكرافت...

خزني تركي بعين ..حسيت نفسي مالي داعي ... قال نسوي الرز واذا خلص وحطيت في صحنك حط معه جبن بيض مربى .... بس بس بس الله يحوم كبدك احمس البصل بس لا افتح راسك بهالملاس ...

وقعد تركي يحمس وانا اقطع الدجاج ... صبينا المويه وحطينا الملح ... ادور الصلصة مافيه ... تركي وين الصلصلة ؟؟...

قال مدري شكلها خلصت قلت ايووووه انا بيني وبينك ما اعرف اكل رز ابيض الا مع ملوخية يعني الحين يا ملوخية يا صلصلة (الولد جايع وحسيته وده يمسك راسي ويغطسه في القدر) قلت من جد ياخي انا رز ابيض ما اطيقه ... وين قاعدين شقة فلبينيين حنا

طيب نحط معه شوي جبن ؟؟ تركي يقول في خاطره ((اللهم طولك ياروح جبنا له جبن عشان يطبخ وهو مروق وشكله اخذ زيادة فوق الجرعة المعتاده وضربت فيوزه)



مشعل كمل طبخك لاقسم بالله تجيك علبة الفيري في وجهك ....بيني وبينكم حسيت نفسي ودي اجوع عشان ارجع للجبن

انا مدري بس وشلون اشكر هاللي صنع هالجبنه .. احس من جد انه سوى شي في حياته ما سواه نيوتن لما اكتشف الجاذبيه ....لاني اذا اكلت وكثرت من هالجبن اصلا ما احس ان فيه جاذبيه ( وجه واحد مرتكي على الجدار وعرقانه تصب)

كملنا الطبخة ومشيناها رز ابيض ... وانا قاعد اكل اتذكر واضحك ...طبعا تركي اكل ولما امتلى بطنه انشكح والابتسامة على وجهه كأن شفايفه ممغوطه بمشد ... قال وش فيك تضحك ؟؟

قلت الله يالدنيا تغيرت الا شي واحد قال وشو ... قلت ياخي من يوم اني صغير وانا في مشاكل مع هالجبن ويوم كبرنا وقدرنا نشتريه بالكراتين انقطع من السوق عشان تكمل المعاناة ...

وبديت اشكي لتركي ايام الطفولة مع جبن الكرافت ... قلت تصدق اني يوم كنت صغير كنت اجلس مع اهلي على سفرة الغداء ولا اكل زي الناس عشان اذا خلصنا وطلع ابوي يقيل وهجد البيت في الظهر دخلت المطبخ وفتك بهالجبن ... فطور غداء عشاء جبن كرافت السايل (وجه يناظر فوق)

حوسات وصولات وجولات انا وامي الله يذكرها بالخير على هالجبن ... ياوليدي لا يجيك شي من هالجبن ياوليدي كل شي ينفعك ...

وتخبيه عني لكن هاهاهاي ما يمديها من جد يبدى شغل التهريب من تحت لتحت كأني مدمن مخدرات ياشيخ وصلت معي الحالة اني اطلع بالجبن والخبز غرفتي لاحد يشوفني ويعلم امي ههههههههههههه ( وجه واحد معه ابره فيها جبن يبي يطعز نفسه بالوريد زي حقين الهروين)

مسكينة اميمتي يوم شافت ولدها مدمن بهالشكل سلمت امرها لله ومع الايام صارت الوالدة وحدة من اكبر مهربين الجبن على مستوى العالم وطلع شغلها اليوم دولي وصارت ترسل لي كل فترة



((اذا مليتم فاستتروا )) عشان كذا استروا ما واجهتوا يا جماعة



تحســون انها دعاية مدفوعة الاجر لشركة كرافت

واسفين للاطالة . . وتحية محملة بكراتين جبنة كرافت لكل من مــر من هنا

[عبير البدره]

[align=center]سمعت اسم كرفت قلت وجبه هنيه :c :c :c

ومشكورة اختي على هل الموضوع

ودمت لناا [/align]

[الــ ـجـ ـازي]

مشعل كمل طبخك لاقسم بالله تجيك علبة الفيري في وجهك ....بيني وبينكم حسيت نفسي ودي اجوع عشان ارجع للجبن


ههههههههههههههههههههههههههههههههههـ
هههههههههههههههههههههههههههههههـ
هههههههههههههههههههههههههههـ
هههههههههههههههههههههههـ
هههههههههههههههههههـ
ههههههههههههـ
هههههههـ
ههههـ
هههـ
ههـ
هـ

[D a N a]

:b

[الساحره2]

مشكورين خواتي عبير البدره والــ ـجـ ـازي ودانة


على المرور