يامل قلب والروابع تمسه. . .

[البروفسور]

قصيدة أعجبتني للشاعر الكبير >> محمـد بن مهلهل الشعلان


يامل قلب والروابع تمــسه
مسة حبال مهاوزات الاظله
طس السبيل من اصفر اللون طسه
الشاوري يجلي عن القلب عله
من كيس قرم ضاري ما يدسه
تلقاه مجدوع على جال دله
لوعندنا من غيب الأيام رسه
الآدمي مصلوح نفسه يدله
لاشفت ضول الناس بالك تعسه
وان جنبك شر المخاليق خله
يا الله يا اللي كل درب تجسه
عقد البلش غير أنت ما احد يحله
تفرج لمن مثلي زمانه يرسه
عليه من قرب الرفاقه حمله
البوم يغرس والأسد صار بسه
تغيرت دنياك يا فاطن له
سبع الخلا جاب الضواري بحسه
والصلح من فرقا الغنم ماحصل له
ثنيت دون اللي خصيمه ينسه
سيفي لمن دوار دخيلي نسله
لاصارعن خصيمك سلاحك تدسه
ماينقعد لك في حصون المذله

[ALIGN=CENTER]


ياسلام عليك يابروفسور

اختيار جميل والله

لا يهينك

وصح لسان الشاعر الجزل[/ALIGN]