للتعارف ممر شاسع وللحب طريق كبير ولاعضائنا في قلوبنا تميز واضح يسمو بتواجدهم وتواجدكم معنا موضوع بسيط سهل ممتع .. استضافه خفيفه لاعضاء تعرفونهم ولاعضاء غامضين بالنسبه لكم
سنستضيف لكم في كل مره عضو من منتدانا المميز
نتعرف عليه بدردشه بسيطه
نتنمى تكون خفيفه وممتعه
اليوم لقاءنا اليوم مع كبار شخصيات المنتدى
واهوا المشرف العام
•¦[• نًٍـــهًٍـًٍــارًٍ •]¦•
بالبدايه نبي نعرف البطاقه الشخصيه
. الاسم ...؟
نهار
2. العمر ...؟
29 ومابقى الا شي بسيط لل 30
3. المهنه ...؟
موظف وامارس بعض الاعمال التجاريه
4. الهوايه المفضله ...؟
السفر و البلياردو
والحين نبي نعرف رايك
5. اشرايك بالبرنامج ...؟
برنامج رائع واتمنى له التوفيق ولك بقيادته الجميله والمميزه
6. عضو \ه و مشرف\ه ترتاح لهم ...؟
والله اكثر الموجودين هنا طيبين وحبيبين وارتاح لهم ولا استطيع احدد واحد لانهم كثر والله يزيدهم
7. منو العضو او المشرف اللي كنت متوقع اهو شي وطلع غير ماتتصور ...؟
اسف ماعندي اجابه على هذا السؤل
والحين بنعرف عن حياتك من المواقف والمقالب
8. شنو احلى موقف صار لك ....؟
كنت متعطل في السياره وكان الوقت متاخر وفجاه وقف لي واحد يساعدني وكان واحد عزيز علي من زمان ما شفته وكان هذا احلى المواقف لانه ساعدني ولاني شفته بعد طول غياب
. احلى مقلب صار فيك ....؟
اتصل علي صديق يبشرني بخطبة واحد من ربعي وفرحت له وقلت مدامه عزيز وغالي بروح له البيت ابارك له بنفسي لمكانته عندي وبعد ما رحت له البيت ودخلت المجلس سلمت عليه وبديت ابارك له وادعوله با التوفيق وهو مستغرب ويضحك وانا مدري وش السالفه وبعد ما خلصت قالي انت تبارك على وشو ؟ قلت له على خطبتك لان فلان بشرني فيها قالي يا حبيبي انا ما خطبت ولا انخطبت يبه فلان يقص عليك وبعدها طلعت من عنده ادور الي كذب علي لاني كنت محتر منه لانه صج فشلني
10. احلى مقلب انت سويته ...؟
واجد الي نسويها با الربع بس اقواها كان اني خليت واحد من الشباب يسافر الي دبي لاني كلمته وقلتله حنا هناك والجو روعه لا يفوتك قال بجيكم وحجز وطار لدبي وكلمني قلتله يا الحبيب انا با البيت وانت استمتع بوقتك في دبي وكان يتوعدني والي اليوم الحمدلله ما قدر يقص علي
11. شنو الشي الي كل ماتشوفه تضحك عليه ...؟
برنامج زكيه زكريه ( الكامير الخفيه ) هذا البرنامج كل ما اشوفه افقع ضحك
12 . موقف محرج صار فيك ...؟
وقفت اسلم على رجال في المجلس وكان شايب وللاسف ما انتبه لي ورح وجلس وانا قعدت واقف افكر وش اسوي وش ارقع السالفه الي اني رقعتها ورحت له وسلمت عليه بس كان منضري بايخ جدا
13. جم مره دشيت المطبخ ...؟
ما ادخل المطبخ الا با السفر لاني ما احب اخذ مكان غيري بس ادخل حسب المزاج با السفرات والبر
وهذا سؤال استثنائي للفرفشه ^_^
. جم مره اكلت من مطعم هندي ...؟
واجد ويمكن اخرها قبل كم يوم لاني احب مطعم كوبر شندني الهندي اكله حلو وانصحكم فيه ترى موجود با الخير وبا الرياض ومدري عن باقي المناطق
اخر سؤال ....
15. كلمه اخيره لك معانا ...؟
احب اشكرك شخصيا واشكركم جميعا وادعو للجميع التوفيق هنا واتمنى لكم النجاح والتوفيق في كل خطاكم واتمنى من الجميع مواصله الدعم للارتقاء بهذا المكان فهو بكم يرتقي ولكم يستمر
وبعدها طلعت من عنده ادور الي كذب علي لاني كنت محتر منه لانه صج فشلني
العرض العادي
