[CENTER]
السلام عليكم ورحمة الله وبركاته
تعلمون ماللكيف (القهوه) عند ابن الباديه من مذاق خاص وعشق ازلي
ابدع الكثير من الشعراء في وصف هذا الكيف ووصف طريقة اعداده ومن اشهرها قصيدة القاضي المشهوره
التي مطلعها:
يامل قلـبٍ كـل مالتـم الاشفـاق
من عام الاول به حواسيس وادقوق
وهذي ابيات من نظم اخوي المعطاب في الكيف اتمنى ان تحوز على استحسان هل الكيف والسجات
يامحلا بأرض(ن) خلا شبة النـار=في خبة(ن)عقب المطر مستسيلـه
وتجهيز كيف(ن) للنشامى والاخيار=كيف الرجال اهل الكرم والفضيلـه
قم يانديبي واشعـم النـار بوجـار=شعلة سناها تلتهب فـي المسيلـه
سمر(ن) ليامن شب توهجر توهجار=لون الذهب في ايدين زين الجديلـه
وقلّط دلال الكيف مع بـن وبهـار=ونجر(ن) ليا من دنّ يطرب عويله
ومحماس بنه قربه والجمـر حـار=وخلك بحمس البـن دايـم دليلـه
مابين ني وحـرق خلـه بمقـدار=واحذر يجي في حمسة البن ميلـه
ولازان لونه وعج اشقـر للانظـار=دقه بنجر(ن) من سمعلـه يجيلـه
ثم قلط الرسلان من كـف بيطـار=واعبر لماها عبـرة(ن) تستويلـه
وخله يفوح البـن امـرار وامـرار=وليا اقطعت قـرّب بهـاره وهيلـه
هيل الحبش مع زعفران(ن)ومسمار=له ريحة(ن) تبري الخشوم العليلـه
زله عليها كفيت من كل الاخطـار=وليا خذت فوحين هـات الجميلـه
ودنّ القدوع وهات حلوات الاثمـار=خلاص الحسا مافيه غيـره بديلـه
وادرج هل الطالات وافين الاشبـار=قوم(ن) على جال المنـاره ثقيلـه
فنجال صين(ن) صبته دوم بعيـار=مايمتلي الفنجـال ولاهـي قليلـه
صبّه كفيت العوق ياطيـر غيمـار=يوم ان ولد الـلاش مافيـه حيلـه
ثم ادرجه يميـن والكـل حضـار=بعد الكبير اللي له الشيـب زيلـه
وسوالف الشجعان تحكـى وتنـدار=سوالف(ن) ماهي بحـش وفشيلـه
اللي لهم في هامة المجـد تذكـار=نوادر الفريـس فـي كـل قبيلـه
ويزين بدع القاف وتزين الاخبـار=وكلن بحلو الشعر يطـرب عميلـه
هذي طراتـي ياطويليـن الاعمـار=يوم ان بعض الناس واعزتـي لـه
دايم بوسط السوق مشخّص وسبّار=ويفرح ليا من شاف زول الحليلـه
لايقضي الحاجه ولا يحمـي العـار=الله وانـا اسالـه بجاهـه يشيلـه
والذيب ولد الذيب صـارم وبتـار=له منزل(ن) هو دوم راس الطويله [/center]
يامحلا بأرض(ن) خلا شبة النـار 
العرض العادي
