احترت من مابي لمن أشكي ...... حطيت نفسي على الكرسي .... من غيره الرحمن بشكيه نزفي .... بيت الشعر عقبه يذكرني الحال ..... مادري حقيقه أو خيال ...... أو حلم له يوم اغتيال ..... ماهو خيال بس أقرب من المحال...... ويشبه للخيال ..... مصيره طبعا الإغتيال :
تخيلوا
تخيلوا
تخيلوا
تخيلو انسان تنزف عيونه..................
من غير قلب وعايش (ن) بين هالناس
فاقد ضنينه .... رفقته مايبونه..............
همه كثير وكل مافيه محتاس
غنّى قصيده والمراثي لحونه...................
ماله سوى بيتين يشكي لها الباس
من جر ونّات القهر في وزونه ....................
قال القصيد أرحم ترى شاب بي الراس
يا كيف تقوى كل هذا تصونه ..................
قلت : الحلا منها ومنها أشرب الكاس
أشرب زلال الضيم وأقول عونه..................
زوّد لي المكيال ...منك انت لا باس
ما صدق الملعون يرضي جنونه.................
معذور من مثلي يحبه بلا قياس
أرخى حبال الطيش نوّع فنونه ................
ماغير ينخر من على الراس للساس
أدمى عروق القلب وأمطر مزونه .............
ينزف من أنواع الغلا صدق واحساس
هذا ضنيني يا ملا تعرفونه ..............
هذا اللي وسط القلب محبوس حبّاس
هذا الِذي من همت به بي مهونه............
لكن يزيد الهون ويرد الأنفاس
هذا حبيبي يا بشر لا تجونه...............
خلوه يرضى ياملا طفل حساس
مثل النسيم اللي ترقرق شجونه ...........
مثل الذهب مثل الغلا مثل الألماس
مثل الزعاف المرّ لو تحسدونه ................
في غيرته يغتالني مثل قرناس
هذا الذي قلته وما حيل دونه ............
عقبه غدى خلي مثل رمية أقواس
عقب الردى والهون وشهور وأيام ..... في وقفة بعمري حسيت بغرابه.......
فعله غدى مقلوب ضحكه غدى مسلوب........ ماغير يسمعني مايرفع عيونه ...
طيشه أصبح هو المطلوب ... أسرى بي الهوجاس ...
وأصبح بي الوسواس
ماغير أناظر وأنتظر منه كلمه ... تأخرت مانلتها ...
انقطع عني ..!!! مصيبه !!!! ياناس هاتوه لي ...... وينه وينه ...؟؟؟
:
جاني
جاني
جاني
جاني يداري دمعته في جفونه ..............
وأهداب عينه والكحل مثل حراس
في وسط حضني طاح.....................
مخطوف لونه!! قلت ادحر الشيطان وسواس خناس
قالت بدمعه حايره ومغبونه....................
أبوي زوجنّي وبالغصب يا ناس
صحت أطلب اللي راد والكون كونه.................
يالله ترحمني ترى حلم ونعاس
من عقب اللي حصل .. صرت أشبه الميت وأنا توني حي ... بأسباب همّي من سبب فقد غالي ...لا نيب مرضان ولا صابني شي .... بس أنتحب وأذكر قديم الليالي
قلت : آآآه
قلت آآآآه .. واعزاه
عزاااااااااااه
عزاه يا خالـــد راحت فتونه ...................
عزاه يا لمسكين أعلنت الإفلاس
قمت أشتكي للشعر وأنظم بدونه .................
عيّا ...يقول العرق والريق يبّاس
ما تنفع الدنيا الوسيعه بدونه........................
هو يستوي الفنجال من غير محماس ؟
يا ليت كل الخلق به يفتدونه........................
وأعيش أنا وياه عينين في راس
كل العمر عقبه وما تكنزونه...................
يرجح بها في كفته مثل قرطاس
مير الله المعطي وتاخذ منونه ..................
ما لي سوى ذكراه وأعيش منداس
بعيش همّي والحزن والمهونه...................
لأجل الذي قده كما العود ميّاس
تزوجت وخلتني وحيد اناجي ظلمة الليالي... 
العرض العادي
